Куас сюрес вылэ трос калык султӥз

Куас праздник улсын школаын дышетскисьёс, организациос но предприятиос, гурт поселениос пӧлын куасэн ӵошатскон ортчиз. Организациос но предприятиос пӧлын культурая управленилэн командаезлы вуисьёс ӧз луэ. Соос нырысетӥ интые потӥзы. Кыкетӥ интыын луиз адмнистрацилэн командаез. Нош куинетӥ интыез дышетонъя ёзэтлэн но «Планета СПОРТ» ФОК-лэн командаез люкизы.

Гурт поселениосысь командаос пӧлын но ӟырдыт нюръяськон мынӥз. Татын финише ӝоггес вуиз Улысь Балтачысь команда. Кыкетӥ инты понна шумпотӥзы Выль Татышлыысь куасчиос. Куинетӥ интыын – Кальтяевоысь команда.Ӵошатсконын нимысьтыз кузьымъёсын пусйизы тужгес бадӟымзэ но тужгес пичизэ куасчиосты. Куас сюрес вылэ потэм нылпиос пӧлын тужгес пичиез луиз Вязовкаысь Иван Назипов. Вераны кулэ, та нуналэ дышетскисьёс пӧлын вормонлы тужгес узыр луизы Улысь Балтач школаын дышетскисьёс.  

Туспуктэм: Молодежь Татышлинского района