+28 °С
Салкым
Спорт
5 январь 2024, 13:35
Кызыл-Ярын волейболэн шудӥзы
Татышлы ёросысь Таныповка но Кызыл-Яр гуртъёсысь нылкышноослэн командаоссы сӥзьыл «Трезвое село» республика конкурслэн муниципал этапез улсын волейболъя ӵошатскон радъямзы бере, Улысь Балтач гурт поселениэн администрациеныз кивалтӥсь Эдуард Рахимзянов та выллем пумиськонъёсты азьланяз но радъяны ӵектӥз.
Кызыл-Ярын волейболэн шудӥзы
27-тӥ декабре Эдуард Бурханович ВК вотэс бамаз гожтӥз: «Таныповкаысь но Кызыл-Ярысь нылкышноос волейболэн шудэмзы бере выль ар праздникъёс дыръя волейболъя турнир радъян сярысь маланме верай. Со сярысь распоряжение улэ гожтӥськи, турнирлэн положениез дасямын. Волейболъя ӵошатскон 5-тӥ январе ортчоз». Озьыен, туннэ, витетӥ январе. Кызыл-Ярын волейболъя турнир ортчиз. Отын нылкышноослэн вить командазы нюръяськиз. Вераны кулэ, Бигинейысь, Кызыл-Ярысь, Таныповкаысь, Улысь Балтачысь командаосын ӵошатсконэ Аскино ёросысь Казанчи гуртысь но команда вуиз. Соос ик ӵошатсконын ваньзылэсь кужмо луизы. Кыкетӥ интыын – улысь балтачъёс, куинетӥын – кызылъяръёс, ньылетӥын – бигинейёс, витетӥын – таныповкаос.
