Башкортостанысь удмуртъёслэн национально-культурной центрзылэн кубокез понна волейболъя ӵошатскон ортче

 Туэ отчы огъя дас команда вуиз. Татчы республикаысьтымы Бурай, Татышлы, Янаул ёросъёсысь, Пермь шаерысь Куеда ёросысь шудӥсьёс лыктӥзы. Соослы пумит шудозы кузёос но. Туэ ӵошатсконэ нырысьсэ Алтауысь нылкышноослэн командазы пыриське. Шудонэз усьтонын Татышлы ёросысь Выль 5атышлы школаысь тренерез А. И. Сабанчинэз 70 арес тырмон юбилееныз ӟечкылазы но «За вклад в развитие спорта» медален данъязы. Со сяна, Янаул ёросысь Вуж Варашысь команда понна шудӥсь Леонид Набиевез юбилейной кубокен пусйизы. Со кема аръёс ӵоже ни ӵошатсконэ пыриське. Нош Бадӟым Гондырысь Ксения Ардиеваез сяська керттэтэн шумпоттӥзы – ӵошатсконэ со вордӥськем нуналаз вуиз.