Баскетболъя ӵошатскон ортчиз

Балтач, Бурай, Караидель но Татышлы ёросъёсысь командаос кык площадкаосын шудӥзы: Г. Сокорой нимо 1-тӥ номеро школалэн но «Планета Спорт» ФОК-лэн спортзалъёсаз. Ӵошатсконын нылъёслэн но пиослэн быдэн ньыль командаоссы нюръяськизы.

Нылъёс пӧлын вормисе потӥзы татышлыос. Кыкетӥ но куинетӥ интыосын луизы бурайёс но караидельёс. Пиос пӧлын кужмо луиз Караидель ёрослэн командаез, кыкетӥ интыын – Татышлы ёрослэн, куинетӥын – Бурай ёрослэн.

Фото: МБОУ СОШ №1 им. Г.Сокороя с.Верхние Татышлы