Янаулын «КЭС-БАСКЕТ» чемпионат ортчиз

«КЭС-БАСКЕТ» - Россилэн 75 регионъёсаз радъяськись спортпроект.

Янаул ёросын ортчем ёрос чемпионатын туэ гуртъёсысь но городысь школаослэн командаоссы кужымзэс мертазы. Ӵошатсконъёс кык нунал ӵоже радъяськизы. Командаос ньыль площадкаын шудӥзы: городысь школаосын дышетскись нылъёс – И. Ш. Мусинов нимо гимназиын, гуртъёсысь школаосын дышетскись нылъёс – Янаулысь лицейын, городысь школаосысь пиос -  «Юноть» ФОК-ын, гуртъёсысь школаосын дышетскись пиослэн командаоссы –  Янаулысь 1-тӥ номеро школаын. Командаос пӧлын ӟырдыт нюръяськон мынӥз.

Гуртъёсысь командаос пӧлын Ямадыысь пиос вормисе потӥзы. Кыкетӥ интыын луизы Шудек школаысь пиос, куинетӥ интыын – Сандугач школаысь пиослэн командазы.

Нылъёс пӧлын но вормон пальпотӥз ямадыослы. Кыкетӥ интыын луиз Орловка школаысь нылъёслэн командазы, куинетӥын – Выль Артаул школаысь нылъёс.

Ӵошатсконын тужгес устозэ шудӥсез но бырйизы. «Лучший игрок» нимлы кузё луизы Ямады шор ёзо школаысь «Олимп» баскетболъя клубе пыриськисьёс Рамиль Лукманов 

но Азалия Сафина.

Фото: Управление образования Янаульского района