Бадӟым Качакысь школаын ӝӧквыл теннисъя ӵошатскон ортчиз

Со Александр Насипуллинэз буре вайыса радъяськиз. А. Насипуллин школаын дышетскон аръёсаз одӥгез кужмоез спортсмен вал. Черодысь пумиськонэз радъяны кузьымъёсын А. Насипуллинлэн Андрей агаез юрттӥз. Ӵошатсконэ дышетскисьёс, егитъёс но бадӟымъёс пыриськизы. Вормисьёсты синпель кузьымъёсын данъязы. Ӵошатсконэз радъян сярысь Бадӟым Качак школаысь физкультурая дышетӥсь Г. Ю. Тимирбаев сюлмаськиз.