Татышлы ёросын баскетболъя ӵошатскон ортчиз

Площадкаын нылъёслэн ньыль командазы кужымзэ эскериз, пиослэн – сизьым.

Нылъёс пӧлын котьку сямен кужмогес луиз Вылысь Татышлыысь кыкетӥ номеро школаысь команда (тренерез Р. Р. Закиров). Кыкетӥ интыые потӥз Вылысь Татышлыысь нырысетӥ номеро школаысь команда (тренерез Ф. М. Биктимиров), куинетӥын - Выль Татышлыысь команда (тренерез М. Л. Шаритдинов).

Пиос пӧлын озьы ик Вылысь Татышлыысь кыкетӥ номеро школаысь  команда (тренерез И. М. Шакиров) вормиз. Кыкетӥ интыын – Вылысь Татышлыысь нырысетӥ номеро школаысь команда (тренерез А. В. Муллаяров), куинетӥын – Шулганысь (тренерез – Д. Т. Ахунов). Нырысетӥ интые потэм командаос табере Караидельын шудозы.

Туспуктэм вылын Выль Татышлыысь нылъёс.