Пермь шаерысь спортъя министр – Бадӟым Гондырын

Татысь Спортъя юртын 2019-тӥ арын, «Лукойл» компанилэн юрттэмезъя, тупатӥськон ужъёс ортчытэмын. Со дырысен тазалыко улонэн эшъяськисьёслэн лыдзы шӧдскымон йылӥз. Уго табере татын волейболэн, ӝӧквыл теннисэн шудэм сяна, тренажёръёсын но мугорзэс кыдатыны быгато.  Спортъя юртын тазалыксы сярысь сюлмаськисьёс понна понна раздевалкаос, санузелъёс, душевой комнатаос вань. Озьыен, татын гурт калыклы паськыт луонлыкъёс кылдытэмын. 

Алигес Бадӟым Гондыре вуылӥз Пермь шаерысь спортъя но физкультурая министр Татьяна Чеснокова. Со тупатэм Спортъя юртэ пыраз, отын ужасьёсын пумиськылӥз, Куеда округысь спортъя сообществолэн ёзчиосыныз азьланяз быдэстоно ужъёс, ортчытоно спорт ужрадъёс пумысен вераськиз.

Фото: Администрация Куединского муниципального округа