Шудекын ортчем спорт шудонъёсын кин ӝоггес луиз?

Куатьтон метре бызьылонын стартысен ик ӝог луэменыз висъяськиз ВыльТатышлы командаысь Екатерина Хатипова. Со ик вормисе потӥз. Солэсь ӧжытлы бере кыльыса, кыкетӥ интылы кузё луиз Каймашабаш командаысь Эльвина Садриева, нош куинетӥ интыын – Выль Татышлы командаысь Татьяна Риянова.

500 метрез но ваньзылэсь ӝог ортчиз Екатерина Хатипова. Кыкетӥ но куинетӥ интыосын луизы Сандугач школаысь Валерия Имашева но Бадӟым Качак школаысь Татьяна Кашпуллина.

Пиос пӧлын 60 метре бызьылонын вормисе потӥз Выль Татышлы школаысь Ярослав Гарифуллин. Кыкетӥ но куинетӥ луизы Бадӟым Качак школаысь Иван Галяхметов но Денис Шакиров.

Пиос сюрс метре бызьылӥзы. Та дистанциын ваньзылэсь ӝог луиз ВыльТатышлыысь Данил Гарифуллин. Солэсь ӧжытлы бере кыльыса, 2-тӥ но 3-тӥ интыосты басьтӥзы Вуж Варашысь Артур Валитов но Шудекысь Илья Чужеков.

Эстафетаын котькуд командаысь кык ныл но кык пи ӵошатскизы. Соослы котькудзылы 250 метрез ортчоно луиз. Татын кужыменызы но шаплы луэменызы висъяськизы Выль Татышлы школаысь спортсменъёс. Кыкетӥ интыын - качакъёс, куинетӥ интыын – каймашабашъёс.