Союзысь спортъя мастерез буре вайыса ӵошатскизы

Отын Башкортостанысь удмуртъёслэн НКЦ-зылэн нырысетӥ кивалтӥсез сярысь трос шуныт кылъёс веразы: тодазы ваизы «Дэмен» хозяйствоен кивалтон аръёссэ, вордскем шаереныз данъяськемзэ, куас сюрес вылын шумпотыса бызьылэмзэ.

Ӵошатсконэ Татышлы но Янаул ёросъёсысь куасчиос пыриськизы. Стартэ куать категориосъя 80-лэсь трос спортсменъёс султӥзы. Соос котькудзы тазалыко улонэн эшъяськемзэс но куас сюресэз гажамзэс возьматӥзы. Спортсменъёсты ӟечкылазы Татышлы ёрос администрациен кивалтӥсь Ф. Р. Шайхисламов, Улысь Балтач гурт поселениен кивалтӥсь Э. Б. Рахимзянов, БР-ысь удмуртъёслэн НКЦ-зылэн кивалтӥсез Л. Л. Зидымаков, Ренат Биктимировичлэн пиез, БР-ысь удмуртъёслэн НКЦ-зылэн Кенешезлэн ёзчиез Рустам Галямшин но мукетъёс.