Татышлы ёросын волейболъя ӵошатсконъёс ортчизы

Соос ньыль площадкаосын радъяськизы. Предприятиосысь но организациосысь пиослэн но нылъёслэн командаоссы Вылысь Татышлыын шудӥзы. Нош Улысь Балтач школаысь спортзалын гурт поселениосысь пиослэсь командаоссэс пумитазы, Выль Татышлыын – нылъёслэсь. Татышлы ёрос администрациен кивалтӥсь Фанур Шайхисламов но ӵошатскисьёс #Zанаших #МыСвоихНеБросаем #ZаМир #ZаПобеду флешмобе пыриськизы.

Гурт поселениосысь пиослэн командаоссы пӧлын нырысетӥ интыын луиз Выль Татышлы гурт поселениысь команда. Кыкетӥ но куинетӥ интыосын – Улысь Балтач но Акбулат гурт поселениосысь. Нылъёс пӧлын ӵошатсконын но Выль Татышлыысь командалы вуисьёс ӧз луэ. Соос нырысетӥ интые потӥзы. Кыкетӥ но куинетӥ интыосты Курдым но Улысь Балтач гурт поселениосысь командаос басьтӥзы.  

Предприятиос, организациос но учреждениос пӧлын ёросысь электрической сетьлэн но Дышетонъя ёзэтлэн командаоссы тужгес кужмо луизы. Пусйыны кулэ на удмурт пиосмурт-ужбергатӥсьёслэсь командазэс. Ӵошатсконын соос куинетӥ интыын луизы. 

источник: https://vk.com/elza_danilovna