Ӵуказе паралимпи шудонъёс кутскозы

Пекин дунне вылысь 600-лы матэ паралимпи спортсменъёсты пумиталоз. Отчы Россилэн 20 регионъёсысьтыз 71 спортсменъёс ӵошатскыны вуозы. Шудонъёс «Радостное свидание на чистом льду и снегу» девиз улсын радъяськозы. Отын Китайлэн вашкала сям-йылолъёсызлы трос саклык висъяськоз.
Паралимпи шудонъёс дас нунал кыстӥськозы. Ньылетӥ южтолэзьысен 13-тӥ южтолэзёзь спортсменъёс спортлэн куать видъёсызъя 78 пӧртэм ӵошатсконъёсы пыриськозы. Соос биатлонын, сноудбордын, куасэн бызьылонъёсын, гурезьысен куасэн нискыланын, хоккейын но кёрлингын кужымзэс эскерозы. Та ужрадъёс Пекинысь, Яньцинысь но Чжанцзякоуысь ӵошатсконъя куать площадкаосын ортчозы.
Пекинын ортчоно Паралимпи тол шудонъёслэн талисманзы – Сюэ Жун Жун нимо кагазлэсь лэсьтэм фонарик. Со Китайлэсь сям-йылолъёссэ, сяськаяськемзэ но чебер луэмзэ адӟытэ. Фонариклэн пиштэмез эшъяськонэз но спортсменъёслэсь кышкасьтэм луэмзэс возьматэ. Сюэ Жун Жун тросгес сӧсыр адямиосты ӵошатсконэ пыриськыны ӧте.

Суред интернетысь басьтэмын.