Башкортостанын 2000-тӥ арысен "Ошмес" газетлэн кубокез понна волейболъя ӵошатскон ортче

«Нырысь газетлэн кузьымез понна куасэн ӵошатскон ортчытон сярысь малпамы. Собере - волейбол», - тодаз вае газетлэн кубокез понна ӵошатсконлэн валтӥсь судьяез Александр Сабанчин. Нырысетӥ ӵошатсконэ Калтасы ёросысь Бадӟым Качакысь, Татышлы ёросысь Бигинейысь, Янаул ёросысь Вуж Варашысь, Пермь шаерысь Бадӟым Гондырысь пиослэн командаоссы пыриськизы. Соку ӵошатскон толшор толэзе ортчиз. Вормисе потӥзы площадкалэн кузёосыз. Программаын нылъёслэн шудонзы чакламын ӧй вал ке но, отын Бадӟым Качакысь но Вуж Варашысь нылъёс кужымзэс эскерыны мылкыд каризы. Вормизы качак нылъёс. Со бӧрсьы ӵошатскон арл ы быдэ 23-тӥ тулыспалэ ортчылӥз.