Ошмес
-16 °С
Салкым
Антитеррор
Вань иворъёс
Спорт
1 Октябрь , 11:40

Уфаын шахматъя турниръёс ортчозы

Бадӟым спорт ужрадэз Башкирия нырысьсэ пумита. Со 8-21-тӥ коньывуонэ ортчоз.

Уфаын шахматъя турниръёс ортчозы

Коньывуонэ кык чемпионатъёс радъясько: 74-тӥез шахматъя чемпионатлэн суперфиналэз пиосмуртъёс пӧлын но 71-тӥез шахматъя чемпионатлэн суперфиналэз нылкышноос пӧлын.

Та ужрадэз ортчытыны мукет регионъёс но мылкыд каро вал. Россиысь Шахматъя федерация но Елена но Геннадий Тимченко кузпалъёслэн благотворительной фондзы Уфаез бырйизы. Малы ке шуоно берло аръёсы республикаын шахматэз азинтонлы бадӟым саклык висъяське. Кылсярысь, Туэ Башкортостанысь вань школаос (огъя 1900 школа) «Взлетай!» дышетон проектэ пырисько. Со сярысь вераз дышетскон ар кутскыку регионысь дышетонъя министр Айбулат Хажин. «Взлетай!» проектэ кык кейсъёс пыро: 10-тӥ классъёс понна «Кейс 10» но 11-тӥ классъёс понна «Кейс 11+». Нырысетӥяз ньыль модульёс лыдъясько. Соос пӧлысь одӥгез – «Научись играть в шахматы!»

Школаосын дышетскись пиналъёс гуртазы, ёросазы, городазы ортчись шахматъя турниръёсы но пырисько. 

Фото: http://pressaufa.ru/

Автор:Миляуша Булатова