Олимпи медальёс понна республикаысь Аделина Загидуллина, Тимур Сафин, Алсу Миназова, Александр Сергеев но Варвара Баранова нюръясько.
Олимпи тыл сюрессэ, одӥг арлы ӝегатскыса, Фукусимаысен азьланьтӥз. 25-тӥ южтолэзьысен кутскыса, тыл Японилэн 47 префектураосаз вуылӥз.
Туэ гужем Олимпи шудонъёсы спортлэсь выль видъёссэ но пыртӥзы. Спортсменъёс сёрфингын, скейтбордингын, гурезе тубонын, каратеын, бейсболын (софтболын) кужымзэс мертало.
Олимпи шудонъёсын спортсменъёс огъя вить сюрс медальёс утозы. Вераны кулэ, Олимпи шудонъёсы дасяськыса, Япониын ужасьтэм бытовой техникаосты но гаджетъёсты люкан радъямын вал. Соослэсь ик медальёс дасязы.
Талисманъёсты куара сётон амалэн нылпиос бырйизы. Соосты Мирайтова но Сомэйти нимазы. Нырысетӥез «будущее» но «вечность» кылъёсты возьматэ, кыкетӥез – «такой могучий».
Фото: https://vk.com/@olympicsrus-tokio-2020-cifry-i-fakty