«Гурт – со асьмелэн данъяськонмы…»

Со Вазиськонэзлэн одӥгаз люкетаз гуртъёс сярысь но вераз. Радий Фаритович шуиз: «Гурт – со асьмелэн данъяськонмы,  асьмелэн выжыосмы гуртэн герӟаськемын. Соин гурт калык сярысь вунэтоно ӧвӧл. Гуртын улӥсьёслэсь куронъёссэс лыдэ басьтоно. Кылсярысь, 2018-тӥ арын кылдытэм программалы гуртын улӥсьёс дурбасьтӥзы – гуртъёсысь урамъёсты югдытӥм. Гуртъёслы чаклам благоустройствоя программаослы арлы быдэ 1,5 млрд коньдон висъяське. Республикамы гурт территориосты азинтонъя программаен шаерысьтымы азьветлӥсь регионъёс пӧлын лыдъяське».