Владимир Путин Правительстволэн ёзчиосыныз совещание ортчытӥз

Владимир Путин Правительстволэн ёзчиосыныз видеоконференция амалэн совещание ортчытӥз. Отын пӧртэм юанъёс эскеризы.

Кылсярысь, Правительствоен кивалтӥсьлэн воштӥсез Татьяна Голикова коронавирусэн нюръяськон югдур, висёнлэн "омикрон" выль штаммезлы пумит ужрадъёс кутон сярысь вераз.

Федерацилэн Кенешеныз кивалтӥсьлэн нырысетӥ воштӥсез Андрей Турчак но Минтрансэн кивалтӥсь Виталий Савельев транспортын QR-кодэн ветлон сярысь законопроект сярысь ивортӥзы. Цифровой азинсконъя, связья но массовой коммуникация министр Максут Шадаев «Госуслуги.Авто» порталлэн выль луонлыкъёсыз сярысь вераз, культурая министр Ольга Любимова – муниципальной краеведческой музейёслэн азинскемзы сярысь.

Валтӥсь доклад омырез чылкытатон понна кутӥськись ужъёс сярысь лыдӟиз Правительствоен кивалтӥсьлэн воштӥсез Виктория Абрамченко. Комментариосын та темая вераськизы «Российский союз промышленников и предпринимателей» общественной организацилэн президентэз Александр Шохин но энергетикая министр Николай Шульгинов.