Вань иворъёс
Политика
17 Куарусён , 15:15

Татышлы ёросысь Вязовка гурт. Кызьы ортчо быръёнъёс?

Уж сюрес Татышлы ёросысь Вязовка гуртэ вуттӥз. Культура юрт вӧзы дугдыса, пырытэк ӧм ортче. Ӵапак татчы интыяськемын вязовкаослэн быръён участоксы.

Татышлы ёросысь Вязовка гурт. Кызьы ортчо быръёнъёс?

11 часлы татчы 21 адями вуэм. Со сярысь ивортӥз интыысь быръён участокен но культура юртэн кивалтӥсь Фанил Нуриахметов. "Малы ке туж уг дырто на куаразэс сётыны.  Культура юртлэн группаяз но, гуртлэн чатаз но гожтыны кури, кинъёс ветлӥзы, бускельёссылы, тодмооссылы вераны косӥ. Тросэз шутэтскон нуналъёсы лыктозы шуыса малпасько", - шуэ со. Татчы возьмало 405 бырйисьёсты. Соос пӧлысь тямысэз нырысьсэ куаразэс сётозы. Вязовкаысь 2939 номеро участокын чаклан камера юнматэмын. Со быръёнъёслэсь куиньзэ ик нуналзэ гожтыса мыноз.

 Вадим Хазипов шутэтскон нуналъёсты витьыса ӧз улы. Со умой тодэ, быръёнъёс туннэысен кутскизы ни шуыса. Кузпалыз, удмурт кылъя дышетӥсь Люция Ахунзяновна быръён комиссилэн ёзчиез уго. Туспуктэм вылын: Вадим Хазипов куаразэ сётэ.

Туспуктэм Алексей Самирзяновлэн.

 

Автор:Анна Байдуллина