-17 °С
Салкым
Вань иворъёс
Вормонлы - 80 ар
2 февраль , 22:44
Нылпиосмы Быдӟым Атыкай ожысь ожгарчиосын данъяськыны мед быгатозы
2021-тӥ арын «Единая Россия» партилэн «Реальные дела» программаез улсын но спонсоръёслэн, меценатъёслэн юрттэменызы Калтасы ёросысь Качкинтурай гуртын Быдӟым Атыкай ожысь ожгарчиослы обелиск ӝутӥськиз. Туннэ нуналэ со гурт калыклы дунне вылысь тужгес но кышкыт ожысь Вормонэн бертэмъёс но ож бусыосы пыраклы кылемъёс сярысь тодазы вайытэ.
Нылпиосмы Быдӟым Атыкай ожысь ожгарчиосын данъяськыны мед быгатозы
Качкинтурайысь калык обелискез котьку но утялтыса возьыны тырше. Озьы гуртоос ожгарчиосын данъяськемзэс но соослы сюлмысь тау каремзэс возьмато. Та нуналъёсы тол куазь лымызэ ӧз жаля: ваньзэ шуныт шобырет улэ кельтӥз. Шудо улонмы понна ожмаськисьёслы сӥзем обелиск но лымы улэ паськаз. Таӵе суредэз адӟыса, Качкинтурайысь кышномуртъёс вакчи дыр куспын обелиск котырез лымылэсь утялтӥзы, отчы пырыны паськыт сюрес лэсьтӥзы. Медаз вунэ ожгарчиослэн нимъёссы. Будӥсь нылпиосмы, обелиск доры вуыса, Быдӟым Атыкай ожын бырыны шедем но Вормонэн бертэм ожгарчиосын котьку но данъяськыны мед быгатозы.
Фото: Гузель Шакирова
Новости партнеров