Шаерамы «В гости к ветерану» акция мынэ

Акция Россиын улӥсь калыкъёслэсь огинын луэмзэс, эшлыко кусыпъёссэс возьматон вылысь ялэмын. Солэн одӥгез тодметэз – Россиысь пӧртэм калыкъёслэн сиён-юонъёсынызы корзина. Ветеран доры вуыса, котькуд калык аслэсьтыз люкетсэ кузьма: кылсярысь, башкиръёслэсь – чечы, удмуртъёслэсь – перепеч, бигеръёслэсь - чак-чак, грекъёслэсь – оливки, армянъёслэсь – варення.

Пермь шаерысь Куеда ёросысь удмурт огазеяськонлэн ёзчиосыз, Бадӟым Гондырысь культура юртын ужасьёс но акцие пырисько. Соос ож мышкын тыршем Назира Шабутдиноваез вордскем нуналэныз ӟечкыланы ветлӥзы. Арлыдо песянайлы 6-тӥ майын 101 арес тырмиз. Бадӟым гондыръёс Назира песянай доры удмурт калык сиён-юонъёс вуизы, удмурт кырӟанъёссэс кузьмазы.

Фото: Большегондырский Дом Культуры. ОО "НКЦУ" ПК