Нылпиос Быдӟым Вормонэз тодазы возё

Секыт улонэз адӟем арлыдоос гинэ ӧвӧл, будӥсь нылпиос но историысь тужгес но кышкыт ожез тодо. Куартолэзь вуэмен, калык арысь аре Быдӟым Вормонэз данъя. Кырӟанъёс, эктонъёс но кылбуръёс пыр синкылиен ӵушкам аръёс выльысь тодамы лыкто. Номыр вунымтэ, ноку но уз вуны. Пичи нылпиосмы ас калыкенызы данъяськыны быгато бере, Вормон огшоры вылымтэ. Калыкмы улэ, со ожын улонзэс сётэмъёсты уг вунэты.

Калтасы ёросысь Бадӟым Качак гуртысь нылпи садэ ветлӥсь пичильтокъёс Быдӟым Атыкай ож сярысь визьнодасьёссылэн верамзыя гинэ тодо ке но, ожлэсь курыт шӧмзэ валало. Та нуналъёсы нылпи садын Быдӟым Вормонлы сӥзем ужрад ортчиз. Отчы нылпиос мылысь-кыдысь дасяськизы. Анай кылын кырӟанзэс вань сюлэмзэс поныса быдэстӥзы.