Фестиваль-конкурс трос калыкез люказ

Пермь шаерысь Куедаысь культура юртын «Весенняя капель-2025» фестиваль-конкурс нырысетӥзэ уг ортчы. Ужрадэ арысь аре эктыны быгатӥсь коллективъёс пырисько.

Туэ но «Весенняя капель-2025» эктонъя окружной фестиваль-конкурслэн гала-концертэз трос калыкез люказ. Бадӟым концертэ Вуж Шагирт культура юртысь «Девчата» коллектив но пыриськиз. Кивалтӥсьсы Л. Гильзатова. Конкурсын соос «Военный, патриотический танец» номинациын куинетӥ интыын луизы. Нош Бадӟым Гондырысь "Тюрагай" ансамбль "Народный,народный стилизованный танец" номинациын вормисе потӥз, "Уӵыпиос" кыкетӥ интылы шумпотӥзы (кивалтӥсьсы Ф. Гарифуллина).