«Салют Победы» фестиваль йылпумъяськиз

 Туэ со Быдӟым Вормонлы 80 ар тырмонлы сӥземын вал. «Башкортостан» кун концерт залэ люкаськем учкисьёсты республикаысь пӧртэм ёросъёсысь но городъёсысь кырӟась-эктӥсьёс шулдыртӥзы. Соосты пумитаса вераськиз Башкортостанысь культурая министрлэн нырысетӥ воштӥсез Наталья Лапшина. Гала-концертын республикаысь пӧртэм калыкъёслэн – башкиръёслэн, ӟучъёслэн, бигеръёслэн, чувашъёслэн но мукетъёслэн – лулчеберетэнызы тодматскыны луиз. «Салют Победы» калык творчествоя республика фестивальлэсь гран-призэ куинь муниципалитетъёсысь тематической программаос басьтӥзы: Уфаысь «Чтобы помнили» программа, Стерлитамакаысь – «Мы помним», Балтач ёросысь - «Тереләргә әйтер һүҙем...»

«Салют Победы» фестиваль 2024-тӥ арысь тулыспал толэзе кутскиз. Отчы 63 муниципалитетъёсысь 11 сюрслэсь трос адями пыриськиз.

Туспуктэм: калык творчествоя республика центрлэн пресс-службаез