Кырӟан бурдъя, кужым сётэ, адямилы сюресчи луэ

Кырӟан - адямилэн матысь эшез, со куректыку но юрттэ, адями шумпотэмзэ но кырӟан пыр возьматэ. Кышкыт ож аръёсы но кырӟан адямилы сюресчи луэм: артистъёсын бригадаос госпитальёсын, фронтын концертъёс возьматъяллям. Блокада вакытэ Ленинградын но концертъёс луиллям.

Быдӟым Вормонлы сӥзьыса, Пермь шаерысь Куеда ёросын "Фронтовая концертная бригада" спортивно-творческой марафон ортче. Сое ёросысь ветеранъёслэн кенешсы но культураез азинтонъя центр ӵошен радъяло. Туннэ бригада Гожанэ вуиз. Гуртын куноосты кырӟанэн пумитазы: удмурт кылын быдэстэм "Катюша" кырӟан котыре зол чузъяськиз.
Ужрад гуртысь обелиск вӧзысен кутскиз. Отчы школаын дышетскисьёс, дышетӥсьёс пыриськизы. Вуись Вормон Нуналэн ӟечкыласа, ваньзэ умойзэ сӥзьыса вераськиз депутат Е. Г. Марданов. Собере гуртысь клубын концерт программа радъяськиз. Отын Быдӟым Атыкай ож сярысь трос кырӟанъёс чузъяськизы. Соос пӧлын туннэ шаермес утисьёслы сӥземъёсыз но луизы. "Концерт огшокчемскын выллем ортчиз", - малпанъёссэс шараязы учкисьёс.

Фото: Гожанский сельский клуб

Автор:Миляуша Булатова

Читайте нас

Партнеры