+24 °С
Зоръёслэн
Вормонлы - 80 ар
2 куартолэзе 2025, 05:15
Выль Татышлы школаысь пиос волейболъя ӵошатсконын вормисьёс пӧлын луизы
Кунгурын кык нунал ӵоже, 30-тӥ оштолэзе но 1-тӥ куартолэзе, волейболъя ӵошатскон ортчиз. Со Быдӟым Вормонлы 80 ар тырмонлы сӥземын луиз.
Выль Татышлы школаысь пиос волейболъя ӵошатсконын вормисьёс пӧлын луизы
Ӵошатсконэ Березники, Соликамск, Оса, Пермь, Кунгур городъёсысь командаос пыриськизы. Соослы пумит султыны дӥсьтӥз Татышлы ёросысь Выль Татышлы школаысь команда но. Волейбол площадкаын 2012-тӥ арын но со бере вордӥськем пиналъёс шудӥзы. Ӵошатскон ӟырдыт пуромиз. Выль Татышлыысь пиослы пумит городысь командаос ке но шудӥзы, удмурт пиос зол кужымзэс возьматӥзы. Командалэн тренерезлэн Александр Сабанчинлэн ивортэмезъя, Выль Татышлыысь команда ӵошатсконысь куинетӥ интыен бертӥз. Волейбол площадкаын нырысетӥ вамышъёссэс лэсьтӥсь пиос понна со – бадӟым вормон.
