Геройлэсь партазэ усьтӥзы

Ужрадэ дано удмурт пиосмуртлэн пиез Владислав Шакиров пыриськиз. Со ёрос кивалтэтлы, школаын ужасьёслы тау кылъёссэ вераз, аръёс ортчыса но атайзэ, солэсь подвигзэ вунэтымтэзы понна.

Совето Союзлэн Героез Ульмас Шакиров удмурт калык понна данъяськымон адями луэ. Герой ним солы сётэмын 22-тӥ пӧсьтолэзе 1944-тӥ арын.

Ульмас Шакирович Балтач ёросысь Асавка гуртын вордӥськыса будэм. Вордскем гуртаз ик ортчиз солэн улонэз. У. Шакиров гуртысьтыз школаязы ужаз, нылпиослы шаерез гажан мылкыд пыӵатӥз: военрукын тыршиз, физкультурая урокъёсты нуиз. Со колхозлэн кивалтӥсез но вал. Та дыре Ульмас Шакирович пӧламы ӧвӧл ни. Озьы ке но со улэп калыклэн тодэ ваёнъёсаз. Солэсь нимзэ нулло Асавкаысь модельной библиотека, Вуж Балтачысь нырысетӥ номеро школа, гуртысьтыз но Вуж Балтачысь ульчаос. Героез буре вайыса, 2006-тӥ арын Асавкаын У. Шакировлы бюст пуктӥзы. Уфаысь одӥгаз юрт борды Совето Союзлэн Героезлы сӥзем мемориал пул шуккемын.Табере дано улосчимылэн партаез сьӧрын пукозы усто дышетскисьёс. Вераны кулэ, нырысьсэ сыӵе парта Асавкаысь школаын усьтӥзы.

Фото: Администрация Балтачевского района