Котькуд семьяын Герой улэ

Та лыдпус улсын калык пӧлын пӧртэм ужрадъёс радъяськыло. Кылсярысь, Бурай ёросысь Мамады гуртысь клубын «В каждой семье живет память о своем герое войны» ож вакытъёсты, соин герӟаськем адямиосты тодэ ваёнъя ӝыт ортчиз.

Зэмзэ но Быдӟым Атыкай ож котькуд семьяе аслэсьтыз пытьызэ кельтӥз. Жаляса верано, кӧняез гинэ пиосмуртъёс ожысь доразы берытскизы. Огез бере огез вуись похоронкаос гуртъёсты но городъёсты курыт синвуэн ӵушказы. Оген кылем кышномуртъёс, атайтэк будӥсь нылпиос улонэз азьланьтыны тыршизы.

Туала улон ож вакытъёсты вормем адямиосын лэсьтэмын. Соослэн кужымзы, секытъёсты вормыны быгатэмзы туннэ шудо улонмес пырыен-пырыен люказы. Нош ожын Вормон понна улонзэс сётӥсьёс али ке но тодамы уло. Со сярысь вераськизы Мамады гуртысь клубе люкаськемъёс но. Котькуд нылпи аслаз Геройезлэсь туспуктэмзэ ваиз.  Ӵошен соос Быдӟым Атыкай ож вакытъёсы берытскизы, отын кулыны шедем ӵыжы-выжыоссэс  сӥлы карыса соослэсь ортчем сюрессэс  тодазы ваизы.

Фото: Мамадинский сельский клуб Бураевского района