Шунды сьӧры берга шундыберган

Кумбагышлэн сяськаез трос-трос пичи сяськаослэсь (1000-2000) сылэ.

Кумбагыш Европае нырысьсэ «вуэм»16-тӥ даурын. Россие солэсь кидыссэ ваем ПётрI. Нырысь сое котырез шулдыртон понна будэтӥллям, собере кидысъёсыз пайдаё шуыса тодӥллям, сиыны кутскиллям.

2015-тӥ арын Германиын Карст городын будэм кумбагыш Гиннеслэн рекорд книгаяз пыртэмын: будослэн ӝуждалаез 9,17 метрозь вуэм. Сое стюард луыса ужась Ганс Петер Шиффер будэтэм.

Кумбагышлэн 60-лэсь трос сортъёсыз пумисько. Соос сяська тусъёсынызы но висъясько: ӵуж, нап-ӵуж, курень тусоосыз но вань.

Кумбагыш сюйез чылкытатэ – музъемысь токсинъёсты – свинец, мышьяк, уран - быдтэ. Соин та будосэз тросэн кизё экологической катастрофаос луэм интыосын: Чернобыль, Фукусима.

Кумбагышлэн кидысаз калий, кальций, магний, фосфор, цинк, А, С, D, Е, РР витаминъёс, В группаысь витаминъёс, каротиноидъёс, фосфолипидъёс вань.