Бакчаын кисьма эмезь

Эмезь – тросэзлэн яратоно емышсы. Со туж пайдаё, эмъюм интые паськыт кутӥське. Солэн тазалыкез кыдатонын бадӟым инты басьтэмез сярысь Древний Римын, Грециын туж кемалась тодмо вылэм. Емыш С, А, В витаминъёсын, эфирной вӧйёсын узыр угось.

Эмезьлэсь компот, варення, джем но трос мукетсэ лэсьто, ческыт нянь пыжо. Нош куаръёсызлэсь чай дасяло. Со понна бичам куаръёсты вузы потытозь, туссы сьӧд-вож луытозь киен нелько но пӧсь гурын, духовкаын куасьто. Дасям чаез кагаз коробкае яке басмалэсь мешоке интыяса умой луоз.