Воядыын сӧсыр юсь юрттэт куре

Воядыослэн кылъёссыя, юсьлэн пал бурдыз сӧсырмемын, соин ик со лобӟыны уг быгаты. Гуртын улӥсьёс тылобурдо сярысь сюлэмшугъяськыса, толлы шуныт пала лобӟымтэ юсьлэсь туспуктэмъёсты  Интернет вотэсэ ыстӥллям.

«Эшъёсыз, лобӟыны дасяськыкузы, юсь доры вуылӥзы, нош сӧсыр бурдо ӝутскыны ӧз быгаты, ӝож куараен гинэ соосты келяз», - верало воядыос.

«Янаульские зори» газетаын ужасьёс та учыр сярысь тодыса, Вояды гурт поселенилэн администрацияз жингыртӥзы. Отын соослы валэктӥзы, туннэ, 1-тӥ ноябре, ёросысь Пӧйшурасьёслэн но чорыгасьёслэн ассоциациязы огназ кылем юсь сярысь тодо ини шуыса.

Малпасько, чебер тылобурдо адямилэсь одно ик юрттэт шедьтоз!

 Фото: Гульфира Яхина