15-тӥ октябре Россиын Атайлэн нуналэз пусйиське

Туэ со 15-тӥ октябре тупаз. Та выллем праздник калык пӧлы паськыт вӧлмемын ӧвӧл на, нош кин ке Атайлэн нуналэз сярысь нырысьсэ кылэ. Туннэ бер ӧвӧл на атайёсмес юн ӟыгыртыса ӟечкыланы, соослы яратэммес вераны.

Праздникен, гажано лыдӟисьёсмы!

Туэ со 15-тӥ октябре тупаз. Та выллем праздник калык пӧлы паськыт вӧлмемын ӧвӧл на, нош кин ке Атайлэн нуналэз сярысь нырысьсэ кылэ. Туннэ бер ӧвӧл на атайёсмес юн ӟыгыртыса ӟечкыланы, соослы яратэммес вераны.

Праздникен, гажано лыдӟисьёсмы!

Анайлы тросгес сӥзиськом кылбуръёс,

Ӵемгес вераськом анайлы ӟеч кылъёс.

Атаймес куддыр кельтӥськом палэнэ -

Шергес со вуэ асьмелэн малпанэ.

Со кужмо, со вормоз, секытэз со ортчоз,

Номырлэсь кышкатэк асьмемыз со утёз.

Нош малпаз-а кин ке атайлэсь сюлэмзэ,

Ма сярысь куремзэ, ма сярысь бӧрдэмзэ?

Вазь ӵукна ик атай Инмарлы йыбыртэ,

Семьязэ малпаса, Кылчинлы вазиське.

Нылъёссэ, пиоссэ со шунтэ сюлмыныз

Шер ке но со вазе чебер кылыныз.

Атайлэсь тон уд кылы мусо ваземзэ,

Уд но шӧды тонэ лякыт вешамзэ.

Нош огпол синвуэн тырмем синъёсаз

Тон адӟод улондэ солэн синвуаз.