-3 °С
Салкым
Антитеррор
Вань иворъёс
Пӧртэм-пӧртэм
29 апрель 2023, 10:25

Асьме палан кыӵе туяос умой будо?

Берло дыре адямиос бакчаосазы лысо писпуос мертто: кыз, ньылпу, пужым, сусыпу…Янаул ёросысь Каймашабаш гуртын, кылсярысь, «улэп» кенерен юрт но вань. Кузёос штакетникъёс интые  кызъёс мерттӥллям. Соосты арлы быдэ вандылыса, ӵышкылыса возё. Асьме палан туя но умой будэ. Нош кыӵе сортъёсты бырйыса умой луоз?

Асьме палан кыӵе туяос умой будо?
Асьме палан кыӵе туяос умой будо?

Брабант. Ӝуждалаез вить метр, пасьталаез1,5 метр луыны быгатэ.Чида минус 40 градус кезьытъёсты. Ӵышкемлэсь уг кышка.

Смарагд. Туж каллен будэ. Лысъёсыз ар ӵоже пеймыт-вож луо. Кӧс куазез уг яраты. Соин ӵем ву кисьтано луэ. Толалтэ минус 35 градус кезьытэз чида.

Колумна. Сизьым метрозь будэ. Пасьталаез – 1 метр. Ар ӵоже со 20 сантиметрозь будэ. Вайёсыз векчиесь.

Холмструп. Таиз сорт алигес поттэмын. Ӝуждалаез ог куинь метрозь вуэ, пасьталаез одӥг метр луэ. Араз 10 санттиметрлы гинэ будэ. Зоро вакытъёсты но, кӧс куазез но чида.

Глобоза. Дас ар ӵоже будэм будос 1 метр быдӟа шар кадь адске. Чида минус 35 градус кезьытъёсты. Контейнеръёсын но умой будэ.

Даника. Пичи шаръёс кадь будэ. Пасьталаез 1 метрозь вуэ. Вайёсыз векчиесь. Будэ саюлын.Чида минус 35 градусъем кезьытъёсты.

Автор:Миляуша Булатова
Читайте нас: