Ма сярысь верало куролэсь лэсьтэм мунёос?

Тамара Галяутдинова вераз: «Та мунёосмылэн котькудзылэн аспӧртэм сӥзёнъёссы. Нырысетӥезлэн чыртыяз бакча сиёнъёслэсь весь понэмын. Со бакча сиёнъёс мед будозы «шуэ». Кыкетӥез мунёмы шунды выллем мыня. Со улонамы шулдыр нуналъёс тросгес мед луозы, адямиос ог-огенызы тупаса, эшъяськыса мед улозы, ожмаськон мед быроз шуыса лэсьтэмын. Куинетӥезлэн пельпумъёсаз – карнанэн ведраос. Тыро-буро, пе, мед уломы. Ньылетӥезлэн чыртыяз - минералкалэн ӟенеликъёсыз. «Ми ноку курытсэ ӧм юэ, ум но юэ», - вера таиз мунёмы».