+17 °С
Салкым
Валантэм та гужем вакытъёс,
Бызьыса кадь ортчо нуналъёс.
Тулыслэсь лыктэмзэ витьыса,
Сӥзьылэд но вуэ «ворттыса»…
Чебересь «дӥськутъёс дӥсяса»,
Писпуос сыло пиштыса.
Кожалод-малпалод та дыре,
Пӧртмаськись васькылэм, дыр, шуыса.
Нош таӵе югдурлы ке оскид,
Ӝоген пӧялоз сӥзьылэд.
Нюлэслэсь мальдытӥсь тусбуйзэ,
Жалятэк «кесялоз» дӥськутсэ.
Бусэн ӵоктаське ӵук шунды,
Шундыед серектэ огшаплы.
Я сульпа, я зоре дугдытэк,
Пужмерен шобырско возь, нюлэс.
Валантэм та сӥзьыл нуналъёс,
Малпаськод, кемалы кыстӥськоз чеберез,
Нош сӥзьыл огшаплы но дугдытэк
Быдэсъя аслэсьтыз ужъёссэ…
Анатолий ГАЛИХАНОВ.
Бурай ёросысь Алтау гурт.
Суредэз Есения
ФАРВАЗЕТДИНОВАЛЭН.
Янаул ёросысь Вуж Вараш школа.