-21 °С
Салкым
Антитеррор
Вань иворъёс
Пӧртэм-пӧртэм
5 августэ , 10:10

Светофорлэн нуналэз ку пусйиське?

1914-тӥ арын 5-тӥ гудырикошконэ Кливлэндын нырысетӥ светофор пуктэмын. Со нуналэ ик Светофорлэсь нуналзэ пусъё.

Светофорлэн нуналэз ку пусйиське?
Светофорлэн нуналэз ку пусйиське?

Нырысетӥ светофорез 19-тӥ даурын Британиысь Джей Найт малпам. Со киын ужа вылэм. Ар ортчыса, светофор пуштэм. Соку полициын ужась сӧсырмыны шедем. Соин со дырысен светофорез кулэен лыдъяллямтэ ни. Но, аръёс ортчыса, Д. Найтлэн кылдытэм ужез борды берытскиллям: автоматической светофор кылдэм. Отын кык тусо – горд но вож - фонарьёс вылӥллям. Кӧня ке дыр ортчыса, соос борды ӵуж тус ватсаськем.

Япониысь светофоръёсын азьло вож тус интые чагыр тус вылэм. Эскеронъёс ортчытъяса, тодосчиос валаллям: вож тусэз тросэз ӟечгес адӟо шуыса.

Россиын нырысетӥ светофорез 1930-тӥ арын Лениградысь Литейной но Невскийлэн проспекъёсысьтыз вайвоже юнматӥллям. Собере сое Москва, Ростов-на-Дону городъёсысь урамъёсы пуктылыны кутскиллям.

Туннэ нуналэ город урамъёсты светофоръёстэк син азе пуктыны ик луы. Соос сюрес вылын ветлӥсьёсты авариослэсь утё. Пермьын, Пензаын, Новосибирскын но Москваын светофорлы памятникъёс но вань.

Туспуктэм вылын: светофорлы памятник Новосибирскын.

 

Фото: https://yandex.ru/images/search?pos=4&img_url=http%3A%2F%2Fi2.photo.2gis.com%2Fimages%2Fgeo%2F1%2F140737501849175_5af0.jpg&text=памятник%20светофору%20в%20новосибирске&lr=101192&rpt=simage&source=serp

 

Автор:Миляуша Булатова
Читайте нас в