+26 °С
Салкым
Антитеррор
Вань иворъёс
Пӧртэм-пӧртэм
10 Июля , 09:10

"Кутӥськы, чорыг, бадӟымез но пичиез"

"Ловись, рыбка, большая и маленькая". "Лисичка-сестричка и серый волк" ӟуч выжыкылысь та веранэз тодӥсьтэмез ӧвӧл, дыр. Чорыгасьёс ярато пичизэ но, бадӟымзэ но чорыгез кутылыны. Нош кӧня иськемез матын карыса чорыганы ветло, созэ соос уг но тодо, уг но лыдъяло. 

"Кутӥськы, чорыг, бадӟымез но пичиез"
"Кутӥськы, чорыг, бадӟымез но пичиез"

Алигес пумитай Вылысь Татышлыысь одӥгаз магазинысь Куеда ёросысь Бадӟым Гондырысь тодмоме. "Куедаос мар шедьтӥллям ми палась", - юасько. Чорыганы, пе, лыктӥ Вязовка прудэ. Ас поннам гинэ малпай: "Куеда палан чорыг быриз меда?"

Одӥгез туж усто чорыгась улэ Удмуртиысь Пичи Пурга ёросысь Брангуртын. Виктор Занчаров  азьвыл радиожурналист луыса ужамын. Али пенсиын ни. "Вконтакте" вотэс бамысь солэсь трос тунсыко постъёссэ шедьтыны луэ.

Таосыз пальыштыкъёс сӥземын чорыганлы.

— Кыӵе-мар зыгатон ужъёс?
— Библиотекаын кадь...
— Кызьы со озьы?
— Чус, шыпыт...

— Кыӵе чорыг кутыны ӧдъяськод?
— Кабачок кутэме потэ.
— Бон ӧвӧл ук сыӵе чорыг!!!
— Кызьы ӧвӧл?! Икраез ке вань, чорыгез уз луы ни, пе!

Кыска, кыска, чорыге,
Вӧйын нянь сёто!
Ӧд ке кыска, чорыге,
Пель дӥняд сёто!

Васька коӵыш пуке чорыгась кузёез вӧзын:
-Мед сюроз пичиез!

Нош туннэ чорыгасьёс асьсэлэсь нуналзэс пусъё. Праздникеныды, чорыгасьёс!

Туспуктэм Виктор Занчаровлэн Вконтакте-ысьтыз басьтэмын.

Автор:Анна Байдуллина
Читайте нас в