Со кык кенерам пушкын будэ. Сьӧд кызьпу вӧзын ик, солэн вужерез сямен, тӧдьыез сылэ. Нырысь учкыку сьӧд кызьпу жуйен шобыртӥськем кадь адӟиське. Но вӧзаз мыныса учконо ке, кызьпулэн туйез но, вайёсыз но зэмзэ ик сьӧдь. Нош куаръёсыз тӧдьы кузьпулэн кадь ик вож.
Азьвыл татын таӵе кызьпуос кыкез будӥллям. Но, жаляса верано, кин ке солэсь одӥгзэ корам. Сьӧд кызьпулэн котыраз будӥсь пинал писпуос уг адӟисько. Узяр гуртын улӥсьёслэн верамзыя, татын Москваысь кун университетысь ботанической экспедиция ужам. Но соослэсь ужамзылэсь йылпумъянъёссэс нокытысь шедьтыны уг луы. Кинлы ке нош оло соос тодмо?
Сьӧд яке шур кызьпуэз США-лэн штатъёсысьтыз Нью-Гемпширын, Флоридаын но Техасын вуэн басьтэм ӵошкыт, нюр интыосысь шедьтыны луэ. Со туж ӝог будэ, тужгес но пинал дыръяз, но кема уг улы. Сьӧд кызьпулэн пуэз секыт, юн но курень тусо. Кидысъёсыз бер сӥзьыл вуо. Индеецъёс солэн вуэзлэсь ческыт сиёнъёс лэсьтылӥллям.
Нош кызьы сьӧд кызьпулэн кидысэз асьме пала вуэм? Тылобурдоос-а вуттӥллям?
Фото: открытый источник