+23 °С
Салкым
Антитеррор
Вань иворъёс
Пӧртэм-пӧртэм
3 куартолэзе , 09:15

Тулыс губи интые сюръёс шедьтӥзы

Кин уг яраты губияны? Ваньзылы кельше нюлэскытӥ гань-гань. ас малпанъёсад "выйыса" калгыны, шедемезъя губи бичаса мыныны. 

Тулыс губи интые сюръёс шедьтӥзы
Тулыс губи интые сюръёс шедьтӥзы

Тодӥсьёс губиез вазь тулысысен ик бичаны кутско ни. Сморчокъёс пырак лымы улысь ик пото угось. Солэсь кытын будэмзэ тодӥсьёс интызэ мукетъёслы верамзы уг поты. Асьсэ понна шыпыт мыно но берто. Тани гуртысьтымы кык воргоронъёс но мимала сморчок шедьтэм интызэс эскерыны мынӥллям. Гуртын лымы чаляк быриз, нош нюлэскысь толбыт люкаськемзэ шундылы шунтыны дыр тросгес кулэ. Вазьгес потэмзэс валам пиосмуртъёслэн мылкыдзы куашкам нырысь. Но со нуналэ соослы удалтэм мукет ласянь. Нюлэс котыртӥ берган сяменазы койыклэсь куштэм сюръёссэ шедьтӥллям. Сюръёс пичиесь на, адӟиське,  мӧйы пӧйшурлэн ӧвӧл  шуыса. ИНтернетын бугыръяськыса, тодӥ, айы койыкъёс гинэ сюръёс нулло шуыса. Нош кушто соосты бер сӥзьыл яке толалтэ. Малы ке шуоно, сюръёс вайёс вискытӥ потакузы шуг-секытъёс кылдыто. Тушмонъёслэсь утиськон понна соос туж уг юртто. Соин, сюръёссэ ӝоггес куштон понна, пӧйшур писпуэ зыраське. Сюръёс интые пичияк лёг кыле. Со интые нош вылез сюр будэ.

Автор:Анна Байдуллина
Читайте нас в