Башкириын улӥсьёс лотереяен Москваысь квартира утӥзы

Наталья Блех кузпалыныз лотерейной билетъёс ӵем уг басьтыло. Шудо билетсэс соос лотерея вузан киоск вӧзтӥ ортчыкузы басьтоно кариськизы.

Лотереялэн йылпумъянъёсызъя, Башкортостанын улӥсьёс Москваын выль ӝутӥськем коркась 3 млн. манет тыр квартира но 103 манет утӥзы, верало "Столотоын".

Натальялэн верамезъя, тиражлэн йылпумъянъёсыз сярысь соос кема улыса гинэ тодӥзы ай.

«Билет сярысь толэзь ортчыса гинэ тодамы ваимы. Нырысь компьютер пыр, собере тенефон пыр, лотереямес басьтэм киоске но ветлӥм. Отын оскытэмзы бере туж шумпотӥм, - вера со. - Кузпалы монэ огпол Москвае экскурсие нуо шуиз вал. Шоркарамы огпол но вуылэм ӧвӧл. Сыӵе умой муг сюриз отчы ветлыны".

Куспазы кенешыса, кузпалъёс приззэс коньдонэн басьтоно кариськизы. Ма карозы сомында уксёен, уг на тодо. Наталья уг ужа, со дорзэ уте. Яратэ пӧраны, тужгес кузпалзэ но матысь адямиоссэ пыжиськемъёсын шумпоттыны.

Фото: Столото