Нош пӧйшурен пумиськыны кылдӥз, со атас вылэ омырскыкуз. Ачиз пичи ке но, аслэсьтыз кык полэс бадӟым атас вылэ тубыны со кышкамтэ. Мынам ӵапак со вакытэ со интые вуэме гинэ тылобурдомес утиз, дыр. Садамы бакча сульдэръёс пуктэм бере, чипуосы ышемысь дугдӥзы. Куатез асьмелы ик гожтэм вылэм. Соос али пузась курегъёс ни.
Алигес нош та пичи но шумприч пӧйшур сярысь кылоно луиз. Табере со бускельёсмы доры вуылыны кутскем вылэм. Но кыӵе ке муген со гидазы ик кулыны шедем. Чипуосме арам ке но кариз, жаль потӥз. Малы со гуртэ дышиз вал, валантэм. Кин кытын улыны кулэ, отысь ик сиён мед шедьтоз. Дорысь пудоос но тылобурдоос гидын мед улозы, нош кыр пӧйшуръёслы улон инты - кырын, нюлэскын.