Вуиз толсуред - витьы Выль арез!

Ужаны пеймытэн кошкиськом, ужысь потыку но ульчаосы тылъёс ӝуатско ни. Шундыё нуналъёс ӧжыт, ӵемысь пеймыталэс, зоро-кото улэ. Туэ, кылсярысь, толсурозь тырмыт гинэ лымы усиз вал ни, нош али выльысь зоре. Урод куазь шоры учкытэк, толсур - выжыкыл толэзь. Урамъёс но кематэк выжыкыл дуннелы пӧрмозы. Сокем тыршо берло дыре Выль ар мылкыд кузьманы пӧртэм учреждениосын, организациосын ужасьёс. Нош кӧня дасяськиськом, кудмында коньдон  быдтӥськом одӥг Выль ар уез пумитан понна. Соин та толэзьлэсь ортчемзэ шӧдыса но вуттыны уг луы. Ваньмы витиськом ни бере Выль арез, асьмеос но ваньмыз шоры мукет синмын учкыны кутскиськом, лякытгес луиськом, котырысь адямиослы тросгес шунытмес кузьманы тыршиськом.

Толсур - со...

Пӧсь чай. Бергаса васькись лымы пырыос. Шуныт дӥськут. Кытчы ке дыртон, ваньзэ лэсьтыны вуттыны тыршон. Пунэмъёсты берыктон. Ӵыжектэм ымныръёс. Выль ар но Рождество сярысь фильмъёс. Чильк-вальк пиштӥсь урамъёс. Чебермам кызъёс. Капчи мылкыд. Пумиськонъёс. Мае ке возьман. Мандарин зын. Семья. Яратон. Оскон. 

Ваньмыз умой мед луоз.