Сяськаос уг ке но верасько…

Егит нылъёс сяська бурдъёсын яратон сярысь тунало, тугоко кертто. Кузьмам сяська керттэт мылкыдэз ӝутэ, сюлэм шугъяськонъёсты палэнтэ, сюлэм яраосты но сылмытэ.

Сяськаослы вашкала дыръя но трос саклык висъяллям. Луд вылысь но тэльёсысь сяськаосын ӵыжы-выжыосмы юрт котырзэс, висъетъёссэс чеберъяллям. Сяськос ӧй луысалзы ке, дунне бездыт луысал, дыр.

Кызьы тодмо, сяська керттэт лэсьтон – со бадӟым ужпум. Мегаполисъёсын, городъёсын флористика удыс азинске, нош асьмеос, гурт калык, та ӧрысь ӧнерчиос луымтэен шугъяськиськом. Кылсярысь, кема ӧвӧл юбилее сяська керттэт бырйыны сяськаосын вузкарон юртэ кожи. Кельшись букет луымтэен, тупатыны кури. Вуз карись куать сяськаослэсь сяська керттэт тупатыны малпаз. Валэктоно луиз луиз, букетын сяськаосыз нечётной луыны кулэ, чётной сяськаосын шай вылэ гинэ ветло шуыса.

Городын флористлы вазиськид ке, со одно ик тунсыкъяськоз, кинлы кузьманы малпаськоды шуыса, одно ик юбилярлэсь арлыдзэ юалоз, характереныз но тунсыкъяськоз. Собере гинэ сяська крерттэт лэсьтон ужез борды басьтӥськоз.