Башкортостанын дунъёс будӥзы

Башстатлэн верамезъя, тужгес но трос – 12 процентлы – помидоръёслы дунъёс будӥллям. Республикаын улӥсьёс та бакча сиёнэз одӥг килограммзэ шорлыдын 95 манетэн басьтыны быгато. Арня ӵоже 8 процентлы курегпузлэн дуныз будӥз. Табере солэн дасэз 61 манет сылэ. 5,1 процентлы дуноязы полукопчёной но варёно-копчёной колбасаос. Соослэн одӥг килограммзы шорлыдын 445 манет сылэ. Со сяна, кӧнялы ке дуноязы шоколад кампетъёс, пызь, нӧкы вӧй, кузятэм, сьӧдчабей, рис но тари кеньыръёс, кияр, маргарин, вермишель, сосискаос но сарделькаос.       

Фото: Олег Яровиков