Омыр сӥялтӥське, уйёс кезьытгес карисько

Куарусён толэзе кык арня пала шундыё нуналъёс луо. Сое асьмеос «покчи гужем» шуиськом. Азьпалан куазьлэсь кыӵе луэмзэ нырысетӥ пужмеръёсын эскерылӥлям, нош куаръёслэсь усьылыны кутскемзэс – тылобурдоослэн шуныт пала лобеменызы. Кылсярысь, тылобурдоослэн шуныт пала бер лобӟемзы сӥзьыллэн шуныт луэмез сярысь вера, нош куаръёслэн бер усемзы – кезьыт толлэн тодметэз.
Ӵектӥськом куарусён толэзен герӟаськем калык чакланъёсын тодматскыны.
* Куарусён толэзьын губиос удалтӥзы ке, толсур лымыё но шуныт луоз.
* Палэзь удалтӥз ке, сӥзьыл зоро луоз.
* Покчи гужем вакчи луиз ке, сӥзьыл кӧс луоз.
* Куарусён толэзьын куазь кӧс улӥз ке, тол кезьыт луоз.
* Куарусёнын гудыръяз ке, сӥзьыл кема кыстӥськоз но шуныт луоз.
* Толэзь пумын кузькукъёс пото ке, тол шуныт луоз.
* Кызьпуос вылӥысен ӵужек-тыны кутско ке, тулыс вазь вуоз. Нош куаръёс улӥысен ӵужекто ке, тулыс бер вуоз.
* Ӵужектэм куаръёс писпуосын кема возисько ке, тол вазь уз вуы.
* Тыпы мульы трос ке, тол кезьыт луоз.