+17 °С
Облачно
Оскон
3 Августа , 11:30
Удмурт Шагиртын Инмарлы вазиськизы
Вашкала дырысен удмурт калык Инмарлы оскыса улэм. Котькыӵе секыт вакытъёс луыку но удмуртъёс осконзэс ыштӥллямтэ, вӧсяськон йылолэз утьыны быгатӥллям. Туннэ нуналэ но удмуртъёс Инмарлы йыбыртто, вӧсьёс радъяло.
Удмурт Шагиртын Инмарлы вазиськизы
Кыкетӥ гудырикошконэ вӧсь ортчытон Пермь шаерысь Куеда ёросысь Удмурт Шагиртын ӟеч сямлы пӧрмиз ни. Та йылолэз гурт калык вите, сое пусйыны азьпадасен дасяське. Вӧсясь пиосмуртъёс Инмарлы тау кылъёсын вазиськизы, ю тысь, бакча сиёнъёс удалтӥзы шуыса. Тыл вылын пуртыын пӧзем ӵын шӧмо ӝукез котькин ас понназ куриськыса веръяз, луоз. Уго асьмелэн осконмы - чылкыт инкуазь. Со асьмемыз ваньбуреныз шумпоттэ.
Вӧсез радъяны юрттэмзы понна гурт калык куриськисьёслы, Муктаровъёслэн семьязылы тау кылъёссэ вера.
