Улысь Балтачын пиослы тазалык, ваньзэ умойзэ курыса вӧсяськизы

Нимысьтыз военной операцие пыриськись пиос пӧлын вань асьсэос мылкыд карисьёс, военнослужащейёс, частичной мобилизацие шедемъёс. Улысь Балтач гуртын радъяськем вӧсе Улысь Балтач гурт поселение пырись гуртъёсысь но Вязовкаысь пиослэн анай-атайёссы, матысьёссы вуизы.

- Вӧсяськыны сӥлен юрттӥз «Рассвет» СПК. Со сяна, гурт калык юрттӥськиз на. Кин ӟазег сётӥз, кин вӧй ваиз. Таӵе куриськон ортчытон малпанэ вуим Улысь Балач гурт поселениысь Ветеранъёслэн кенешенызы кивалтӥсез Гарифулла Гарифановен вераськыса. Ӝук пӧзьтыны юрттӥськизы гуртысь пиосмуртъёс В. Хазимарданов, Ф. Гильмаутдинов, Д. Бадретдинов, Г. Гарифанов,  - вера Улысь Балтачысь куриськись Евгений Адуллин. 

Туннэ, 28-тӥ октябре, Татышлы ёросысь Калмиярын, Выль Татышлыын, Арибашын но Юдаын куриськонъёс ортчизы на. Вӧсясьёс Инмар-Кылчинлэсь шыпыт улон, шаермес утёнэ пыриськисьёслэсь таза, вормонэн бертэмзэс куризы. Озьы ик туннэ ёросысь  мечетьёсын, Вылысь Татышлыысь Александр Невский нимо православной храмын пиослы тазалык, ваньзэ умойзэ курыса, Инмарлы вазиськизы.