Пичи вамышъёсын - бадӟым вормонъёс доры

Развивающей занятиосын психологъёс пӧртэм амалъёсты ужазы куто.

1.«Доверие на уровне глаз» амал.

Дышетон борды кутскемлэсь азьло, педагог-психолог пиналлэн дуннеяз туж чакласькыса пыре. Валтӥсь правило татын — зӥбытэк вераськон. Ӧнерчи пиналэз валаса вераське, пиналлэсь яратоно арбериоссэ, шудонъёссэ кутыса, нырысетӥ эмоциональной кусыпъёс юнматэ.

2.«Предсказуемость и стабильность» амал.

Аутизм висёнэн пиналъёс понна стабильность валтӥсь интыын луэ. Пинал ассэ кышкыттэм мед шӧдоз шуыса, занятиосын чакласькыса ужано. Со понна «визьмо» расписание, нимысьтыз карточкаос дасяло.

3. «Развитие через действие» амал.

Занятиос интерактивной но творческой амалэн ортчо. Сенсорной шудонъёс, лэсьтӥськон пыр пинал котыр дуннеез валаны мед дышоз. Нылпилэн саклыксэ азинтон сярысь но вунэтоно ӧвӧл.

Котькуд учкем, котькуд пальпотон яке нырысьсэ ас кожаз быдэстэм уж — со педагоглэн но анай-атайёслэн бадӟым вормонзы. Мон котькуд дышетскисьлэсь быгатонлыкъёсызлы оскисько, луонлыкъёссэ дунъясько. Нефтекамскысь реабилитацилэн Вылысь Татышлыысь филиалэзлэн ӧсъёсыз котьку усьтэмын семьяослы, кудъёсызлы  ӧнерчилэн юрттэтэз кулэ. Тодады возе: ӵошен ми тросгес быгатом!

Людмила МУРЗАНАЕВА, педагог-психолог.