Мӧзмонзэ вормыса азьлане вамыштэ

Тани со урам шорысьтызы Быдӟым Атыкай ожын бырем ветеранъёслэн памятниксы доры вуиз. Нылкышнолэн азьлань вамыштыны ӟигарыз быриз. Со шоры памятник вӧзы интыяськем мемориал пулысь тодмо синъёс учкизы. Нимысьтыз военной операциын бырем ожгарчи Руслан Харисов 2023-тӥ арысь гудырикошкон толэзьысен анайзэ татын пумита но келя, солы сабырлык, ӟеч сюрес сӥзе. Лидия Шарафисламовна пиезлы маке шыпыртӥз но, озьы ик дыртытэк азьлань вамыштӥз. Малпанъёсыз пӧлы вайыса, со шӧдыса ик ӧз вутты, лэся, дораз вуэмзэ. Фаниль кузпалызлэсь ваземзэ но кылыса ӧз вутты. Берло гинэ, вань куректонзэ вунэтыны тыршыса, солэн шораз пальышаса учкиз, кузпалзэ уж дураз келяз. Нош собере ачиз пумтэм- йылтэм ужъёсыз борды кутскиз. Дырын-дырын телефонэн но вераськыны вутскылӥз. Солэн телефонэз ӵемысь куаразэ сётылэ угось. 

(Быдэс материалэз газетлэн 41-тӥ номерысьтыз лыдӟыны быгатоды).