Ӟеч мылкыдзэ ноку уг жаля

Пӧламы пӧртэм адямиос вань. Кин ке секыт вакытэ юрттэт кизэ мыче, кин ке лякыт кылыныз либатыны быгатэ, кин ке пальпотӥсь ымнырыныз дуннеез югдытэ. Татышлы ёросысь Выль Татышлы гуртысь Зульфира Зариповалэсь мӧзмыт туссэ ноку уд адӟы. Солэн ӟеч мылкыдыз котькинлы тырме. Ӝожмыт малпанъёсыз пӧлы выем дырыз луиз ке но, Зульфира Казиповна пумитаз лыктӥсьёслэсь уз палэнскы, одно ик пальпотыса ӟечбуръяськоз, тазалыксы сярысь юалоз.

Зульфира Казиповна кема аръёс ӵоже культура юртын ужаз, калыкез шулдыртӥз. Бигиней гуртын вордӥськыса быдэ вуэм егит ныл та удысэ Ижевскысь культпросвет училищеез йылпумъямез бере вуиз. Отын со режиссёрлы дышетскем. «Аслым ӧнер быръён сярысь кема ӧй малпаськы. Гуртысь дас классэз быдтыса, 1979-тӥ арын, Рида эшеным Ижевске мынӥм. Культпросвет училищеын тодмомы Римма Иванова дышетскемын вал. Мон режиссёр ӧрез бырйи, Рида библиотекаын ужасьлы дышетскиз. Малы сыӵе ӧрез бырйи шуиды ке, пичиысен туж кельше вал сценкаос пуктыны», - вера З. Зарипова.

(Быдэсак лыдӟе газетлэн 41-тӥ номерысьтыз).