Шулдыресь крезьгуръёс чузъяськизы

Башкортостанысь удмуртъёслэн лулчеберетсыя центре арганчиос сяна, учкисьёс но вуизы. Пумиськон зэмос праздниклы пӧрмиз. Арганчиос шудэм улсын такмакъёс чузъяськизы, мылкыдэз ӝутӥсь шудонъёс, конкурсъёс радъяськизы.

- Крезьгур асьмемыз улонтӥ валтэ: нырысь ик анайлэсь нуны веттан гурзэ кылӥськом, сюан марш улын выль семьяе нырысетӥ вамыш лэсьтӥськом, мӧзмыку но, шумпотыку но кырӟаськом. Крезьгур лулэз эмъя, ортчемзэ тодэ вайытэ, пӧртэм аресъем адямиосты огазея. Шутэтскон ӝытмы туж шулдыр но тунсыко пӧрмиз, – малпанзэс шараяса веразы ужрадэ лыктэмъёс.

Фото: СМФК с. Новые Татышлы